USAMA USA GIYA AMMA

දාපං බල්ලට ඔව්ව මිනිස්සුන්ගෙ අඹුදරුවන්ගෙ ගින්දර. මං මගේ කොල්ලට ඔය ගිනි අඟුරු කන්ඩ දෙන්නෙ නෑ. අම්මගේ කටින් වැදුණු පාරට තාත්තා පිටිපස්සට විසිවුණා. අම්මගේ අතින් වැදුණු පාරට තාත්තාගේ අතේ තිබුණු සල්ලි කොළ මිටිය අතෑරුණා. ඒවා හැමතැනම විසිරිලා ගිහින් මිදුල පුරා වැනුවා වගේ බිම වැටුණා. මොකක් ද යක්ෂණී උඹ මේ කළේ කියල අහපු තාත්තා විගහට බිමට නැමිලා මිදුල පුරා විසුරුණු සල්ලි කොළ ඇහිදිනවා. දෙන්න අතරට මැදිවෙලා හිටපු උදාර, අම්මා දිහාත්,තාත්තා දිහාත් වරින් වර මාරුවෙන් මාරුවට බැලුවා. රණවීර වනසිංහයන්ගේ උස ම උස ගිය අම්මා යනු සරල මෙන්ම කථන බස් වහරකින් ජීවිතය දිගහැර බලන්නට පාඨකයා කැඳවන අපූරු කෙටි කතා සංග්‍රහයකි. සමාජය හා ජීවිතය ගැඹුරින් අත්විඳීමට මඟපාදන මෙහි එන තාත්වික චරිත, පාඨකයා සමඟ සමීපව අත්වැල් බැඳගනිමින් හදවතට සමීප හැඟීමක් ඇති කරයි. සරල වින්දනයක් ලබාදෙන අතරම, සමාජීය යථාර්ථයන් පිළිබඳ ගැඹුරින් සිතන්නට පොළඹවන, පිටුවෙන් පිටුව සෙනෙහස පිරි චරිත හමුවන අර්ථපූර්ණ නිර්මාණයකි