Sarasavi Diyaniyo By Upul Shantha Sannasgala

සරසවි දියණියෝ - උපුල් ශාන්ත සන්නස්ගල

සහෘදයෙකුගේ සිත්හි පහළ වන හැඟීම් අතුරින් ප්‍රේමය තරම් ප්‍රබල වෙනත් මනෝභාවයක් ඇද්දැයි නො දනිමි. මානව සම්බන්ධතා පිළිබඳ කතාන්තරය ලොව පහළ වූ විශිෂ්ටතම කලා නිර්මාණ සියල්ලක් ම පාහේ ප්‍රේමය ප්‍රභව කොටගෙන හෝ ආත්ම කොටගෙන හෝ බිහි වූ නිර්මාණ බව පෙනේ. ඒ ඒ ආගම්වල නායකයන් පවා `මෛත්‍රිය` `ප්‍රේමය` `ස්නේහය` වැනි පදවලින් ප්‍රකාශ කළේ ප්‍රේමයේ ම විවිධ ස්වරූප යි. ප්‍රේමය පිළිබඳ ඇතැම් වෘතාන්තයක් අවසන් වූයේ `පේමතෝ ජායතී සෝකෝ` යන අනුභූතිය තවත් තහවුරු කරමිනි. සන්නස්ගලගේ `සරසවි දියණියෝ` ප්‍රේමය පිළිබඳ මේ කතාන්තරයේ තවත් එක් අංශු මාත්‍රයක් හෙළි කරනු උදෙසා ලියන ලද්දකි. 

මහාචාර්ය ජේ. බී. දිසානායක